School induction day 4👩‍🏫

19/10/2023 വ്യാഴാഴ്ച9.30യോടെ ഞങ്ങൾ 7പേരും സ്കൂളിലെത്തി.9.40 ആയപ്പോൾ H. Mനെ കണ്ട് രജിസ്റ്ററിൽ ഒപ്പിട്ടു.9.45 അപ്പോൾ സ്കൂളിൽ ബെൽ അടിച്ചു.9.50 ആയപ്പോൾ ഈശ്വര പ്രാർത്ഥന നടന്നു. പത്തു മണിയായപ്പോൾ 8c ക്ലാസിൽ കയറി കേരളപാഠാവലിയിലെ അമ്മമ്മ എന്ന കഥ കുട്ടികളെ കൊണ്ട് വായിപ്പിച്ചു. അമ്മമ്മയ്ക്ക് കുട്ടികളോടുള്ള സ്നേഹം എപ്രകാരമാണ് കഥയിൽ അവതരിപ്പിച്ചിരിക്കുന്നത് എന്ന ചോദ്യം കുട്ടികൾക്ക് നൽകിയിട്ട് ഓരോ കുട്ടികളുടെയും ആശയം അവരെ കൊണ്ട് പറയിപ്പിച്ചു. ഒന്നാമത്തെ പിരീഡിന് ശേഷം സ്കൂളിന്റെ  ചിത്രങ്ങൾ എടുക്കുന്നതിന് വേണ്ടി പോയി .സെലീന ടീച്ചറിന്റെ നിർദ്ദേശപ്രകാരം ടീച്ചറിന്റെ ക്ലാസ്സ് കാണുന്നതിന് വേണ്ടി എട്ട് സി ക്ലാസ്സിലേക്ക് ചെല്ലാൻ പാർവ്വതി ടീച്ചറോടും സ്വാതി ടീച്ചറോട് എന്നോടും പറഞ്ഞു. അതിനെ തുടർന്ന് ഞങ്ങൾ മൂന്നുപേരും 8c ക്ലാസിലേക്ക് പോയി. കേരളപാഠാവലിയിലെ വിരുന്നു വന്ന ദൈവം എന്ന ടോൾസ്റ്റോയുടെ കഥയാണ് ടീച്ചർ പഠിപ്പിച്ചത്. ആദ്യം ടീച്ചർ കുട്ടികൾക്ക് കഥ വായിച്ചു കൊടുത്തു. കഥയുടെ ആശയം പറഞ്ഞു കൊടുക്കുന്നതിനോടൊപ്പം കുട്ടികൾ ശ്രദ്ധിക്കുന്നുണ്ടോ എന്നറിയാൻ ഓരോ ചോദ്യങ്ങൾ ചോദിക്കുകയും അവരെ എല്ലാവരെയും കൊണ്ട് പറയിപ്പിക്കുകയും ചെയ്തു. കഥയിൽ നിന്നും മനസ്സിലായ കാര്യങ്ങൾ കുട്ടികളോട് ചോദിച്ചു. സാന്ദ്രസൗഹൃദം എന്ന പാഠഭാഗവുമായി ബന്ധപ്പെട്ട ടീച്ചർ അനുഭവക്കുറിപ്പ് കുട്ടികളെ കൊണ്ട് എഴുതിപ്പിച്ചപ്പോൾ  മികച്ച അനുഭവക്കുറിപ്പ് എഴുതിയ  സുധിയുടെ അനുഭവകുറിപ്പ് ടീച്ചർ ക്ലാസിൽ പറഞ്ഞു. അതിനുശേഷം യൂസഫലി കേച്ചേരി എഴുതിയ വേദം എന്ന കവിത പഠിപ്പിച്ചു. ആദ്യം തന്നെ കുട്ടികളോട് കവിത വായിച്ച് ഈണം കണ്ടെത്താൻ പറഞ്ഞു. അതിനുശേഷം രണ്ടര മിനിറ്റ് ദൈർഘ്യമുള്ള 27 അവാർഡുകൾ കിട്ടിയിട്ടുള്ള ഒരു ടർക്കിഷ് ഫിലിം ടീച്ചർ ലാപ്ടോപ്പിൽ കാണിച്ചു. പിന്നീട്  കവിത ഈണത്തിൽ വായിക്കാൻ ടീച്ചർ മഹാലക്ഷ്മിയോട് പറഞ്ഞു പറഞ്ഞു. പിന്നീട് ടീച്ചർ കുട്ടികൾക്ക് കവിത വായിച്ചു നൽകി. അതിനുശേഷം കവിത ടീച്ചർ ഫോണിലൂടെ ഈണത്തിൽ കേൾപ്പിച്ചു നൽകി.12.20ന് ക്ലാസ്സ്‌ അവസാനിച്ചു.12.30യോട് കൂടി അന്താരാഷ്ട്ര തിന ദിനത്തോടനുബന്ധിച്ച് ഏഴാം ക്ലാസിലെ കുട്ടികൾ  വരുകയും അസംബ്ലി കൂടുന്ന സ്ഥലത്ത് വെച്ച് 7 ഡി ക്ലാസിലെ മിന്ന എന്ന കുട്ടി തിന ദിന ത്തോടനുബന്ധിച്ച് അതിനെപ്പറ്റി ഒരു പ്രോജക്ട് തയ്യാറാക്കി വായിച്ച് അവതരിപ്പിക്കുകയും ചെയ്തു.  അതിനുശേഷം12.50 ആയപ്പോൾ ഞങ്ങൾ ഉച്ചഭക്ഷണം വിളമ്പുന്നതിനായി പോയി. അതിനുശേഷം ഞങ്ങൾ ഉച്ച ഭക്ഷണം കഴിച്ചു.1.45 ആയപ്പോൾ ബെൽ അടിച്ചു. അതിനുശേഷം 2 മണിമുതൽ 8cയിൽ കയറി ഭൂമിയുടെ സ്വപ്നം എന്ന പാഠഭാഗം പഠിപ്പിച്ചു. അതിനുശേഷം സ്കൂളിന്റെ അടിസ്ഥാന സൗകര്യങ്ങൾ തിരക്കി അറിയുന്നതിനും കുറച്ച് ചിത്രങ്ങൾ എടുക്കുന്നതിനും വേണ്ടി പോയി.3.45 ആയപ്പോൾ വീട്ടിലേക്ക് പോകാൻ ബെല്ലടിച്ചു. ദേശീയ ഗാനത്തിനുശേഷം  H.M നെ പോയികണ്ട് രജിസ്റ്ററിൽ ഒപ്പിട്ടതിനു ശേഷം ഞങ്ങൾ തിരിച്ചു പോന്നു.